Болҕомтону тардар быыстапка

Ааптар: 
Бөлөххө киир:

Дьокуускайга А.Е.Кулаковскай аатынан норуоттар доҕордоһууларын дьиэтигэр худуоһунньук Екатерина Суржанинова быыстапкатыгар ыҥыраллар. Худуоһунньук 32 үлэтэ көрдөрүүгэ туруорулунна.

Бу «Пламенеющее сердце Севера» диэн Екатерина Суржанинова үһүс быыстапката. Иһитиннэрбиттэринэн экспозиция манна от ыйын 20 күнүгэр диэри турар.

Екатерина Аллараа Халымаҕа Черскэй бөһүөлэгэр төрөөбүт. Дьокуускайдааҕы художественнай училище выпускницата. Катя кыратыттан уруһуйдаабыт. Хаардаах хайалар, кыһыҥҥы киэһээлэр, кырыарбыт лабаалар, муҥура көстүбэт туундара, биллэн турар Арктика аламаҕай дьоно-сэргэтэ көрөөччүгэ ураты тыыны, күүһү биэрэллэр, сэргэхситэллэр. Бу худуоһунньук өрө көтөҕүллэн, ис сүрэҕиттэн иэйэн олорон уруһуйдаабыт үлэлэрэ.

Быыстапка арыллыытын үөрүүлээх чааһыгар худуоһунньугу А.Е.Кулаковскай аатынан норуоттар доҕордоһууларын дьиэтин генеральнай дириэктэрэ Антонида Корякина, хотугу төрүт олохтоох аҕыйах ахсааннаах норуоттар Ассоциацияларын вице-бэрэсидьиэнэ Вячеслав Шадрин, СӨ Арктика сайдыытыгар уонна хотугу сир норуоттарын дьыалаларыгар миниистири солбуйааччы Михаил Погодаев, скульптор, РФ худуоһунньуктарын сойууһун чилиэнэ, Саха сирин худуоһунньуктарын холбоһугун бэрэссэдээтэлин солбуйааччы Николай Чоччасов эҕэрдэлээтилэр.

Быыстапка кэмигэр Екатерина саҥа хартыынаны уруһуйдаан таһаарыа. Онон кэлэн көрүҥ,  санааҕытын үллэстиҥ.

А.Е.Кулаковскай аатынан норуоттар доҕордоһууларын дьиэтин пресс-сулууспата

Хаартыскалар: норуоттар доҕордоһууларын дьиэтин пресс-сулууспатын тиксэриилэрэ

+1
0
+1
0
+1
0
+1
0
+1
0
+1
0
+1
0