«Арассыыйа — мин историям» историческай пааркаҕа бэҕэһээ «Арассыыйа историятыгар учуутал оруола» («Роль учителя в истории России») мультимедийнай быыстапка арылынна.
Быыстапка учуутал идэтин, сыралаах, үрдүк эппиэтинэстээх үлэтин киэҥник сырдатар, өйдөтөр соруктаах. Быыстапкаҕа аныгы уонна урукку холобурдарга олоҕуран, учуутал диэн кимин, билиҥҥи уонна кэлэр кэмҥэ учуутал улахан эппиэтинэстээх үлэтэ хайдахтаах курдук үрдүк суолталааҕа кэпсэнэр, көрдөрүллэр.
Быыстапка Арассыыйа 13 куоратыгар көрдөрүллэр.
Манна педагогтары бэлэмнээһин систиэмэтин статистиката, үөрэх ситимэ, квалификацияны үрдэтии систиэмэтэ; дойду историятыгар оруола арыт бэлиэтэммэккэ да хаалбыт, араас кэмнэргэ улахан сыраларын уурбут ытык учууталлар тустарынан матырыйааллар; биллэр-көстөр дьон учууталларыгар махталлара, «Сыл учуутала-2021» күөн күрэс финалистарын махтал тыллара бааллар.
+1
+1
+1
+1
+1
+1
+1