Коронавирус балаһыанньата хайдаҕый? Манна ааҕыҥ.
Бүгүн өрөспүүбүлүкэҕэ ковиды бохсууга суһал штаб салайааччытын солбуйааччы Ольга Балабкина брифинэ буолла. Кини этэринэн, өрөспүүбүлүкэҕэ дьаҥҥа хаптарыы 242 түгэнэ бэлиэтэммит. Дьокуускайга – 92 киһи. Хомойуох иһин, Алдан оройуонун биир социальнай тэрилтэтигэр бүгүҥҥү туругунан 45 киһи коронавируска сутуллубут. Маныаха СӨ Үлэҕэ уонна социальнай сайдыыга уонна СӨ Доруобуйа харыстабылын министиэристибэлэрэ сөптөөх сэрэтэр, тэрээһин үлэни ыыта сылдьаллар.
Нерюнгригэ, Мииринэйгэ – 13, Бүлүүгэ, Мэҥэ Хаҥаласка — 8, атын оройуоннарга 1-тэн 7-ҕэ диэри киһи ыарыйда. Аллараа Халыма улууһугар коронавируһу бохсууга тэрээһин өттүгэр болҕомто ууруллара наадатын ыйда.
Ольга Валерьевна сабыылаах эрэсииминэн үлэлии сылдьар социальнай тэрилтэлэр үлэһиттэригэр уонна кинилэр дьиэ кэргэттэригэр махталын биллэрдэ. Бүгүн кинилэр бэйэлэрэ үлэлии сылдьыбыт урукку эрэсиимнэриттэн атыннык үлэлии сылдьалларын бэлиэтээтэ. Кылаабынайа пациеннарга дьаҥ сыстыбатын хааччыйыы буоларын санатта. Онуоха тулуурдарын иһин кинилэр дьиэ кэргэттэригэр махтанна.
Түмүгэр төһө да хамсык буоллар, Саҥа дьылы өрө көтөҕүллүүлээхтик көрсөргө сүбэлээтэ.
Бэлэмнээтэ Женни Стрюкова
Хаартыска: интэриниэттэн