Саргылаах Саҥа дьыл бырааһынньыга салаллан иһэр, доҕоттоор! Үөрүүнү-көтүүнү, уратыны, кэрэни бэлэхтиир саамай кэрэ, саамай умнуллубат, саамай долгутуулаах бырааһынньык.
Бу үөрүүлээх бырааһынньыгы көрсө «Хаарчаана Куо» хаартысканан куонкуруһу биллэрэбит.
Хаартысканан күрэскэ төрөппүттэн көҥүллээх кыттаҕыт. Ол эбэтэр, хаартысканы батсаабынан ыытаргытыгар, саайтка таһаарарга төрөппүт сөбүлэһэрин туһунан сурук баар буолуохтааҕа ирдэнэр.
Куонкуруска кыттар хаартыскаҕытын (биир хаартыска) 89142722409 нүөмэргэ ахсынньы 11-20 күннэригэр ыытаҕыт.
ИРДЭБИЛЛЭР
-Ааккытын-суолгутун, улуускутун, нэһилиэккитин, оҕо саадын, оскуолатын, төлөпүөн нүөмэрин толору ыйаҕыт.
-Куонкуруска биир саамай табыллыбыт хаартыскаҕытын ыытаҕыт.
-Хаартыскалар edersaas.ru саайтка ахсынньы 20 күнүгэр тахсыахтара.
КЫАЙЫЫЛААҔЫ БЫҺААРЫЫ
-Куоластааһын ахсынньы 23-29 күннэригэр ыытыллар.
-Кыайыылаахтар саайтка куоластааһынынан быһаарыллаллар.
-Кыайыылаахтарга бириистэр туттарыллаллар.
Серафима Михайлова уруһуйа