Болҕойуҥ, Дьокуускайга улахан тымныылар түһүөхтэрэ

Ааптар: 
Бөлөххө киир:

Саха сиринээҕи гидрометеорология уонна тулалыыр эйгэни кэтээн көрөр управление иһитиннэрэринэн, тохсунньу 23-26 күннэригэр улахан тымныылар түһэллэрэ сабаҕаланар. Орто температура килиимэт нуорматыттан 7°С уонна онтон өссө элбэх кыраадыһынан намыһах буолуо диэн этэллэр.

edersaas.ru

Онон сибээстээн, Саха сиринээҕи ЫБММ кылаабынай управлениета, олохтоохтору уонна ыалдьыттары тымныы күннэргэ сэрэхтээх буоларга ыҥырар.

Киэҥ-куоҥ таҥаһы кэтиҥ, бу хаан сөпкө эргийэригэр көмөлөһөр. Илийбэт тас таҥаһы кэтиҥ. Бэйэҕит эбэтэр илиигит-атаххыт тоҥмутун биллигит даҕаны сылаас сиргэ киириҥ.

Арыгы иһэртэн туттунуҥ. Арыгы сылытар курдук албын санааны үөскэтэр уонна үлүйээри гыммыккытын кэмигэр биллэримиэн сөп.

Айаҥҥа турунаргытыгар ханна бараргытын уонна быһа холоон хаһан тиийиэхтээххитин чугас дьоҥҥутугар этиҥ. Сибээстэһэр, сэрээттиир тэрил, ону ииттэрэр аккумулятор, банаар, саппаас сылаас таҥас ыларгытын умнумаҥ. Тиэримэскэ итии чэй, кофе аара баран иһэргитигэр мэһэй буолуо суоҕа.

Туох эмит быһылаан буолар түгэнигэр уталыппакка Арассыыйа ЫБММ баһаарынай уонна быыһыыр сулууспатын нүөмэрдэригэр – 101, 112 төлөпүөннээҥ. Арассыыйа ЫБММ Саха сиринээҕи итэҕэл төлөпүөнэ — (4112) 39-99-99

Саха сиринээҕи ЫБММ пресс-сулууспата.

Хаартыска: Саина ГРИГОРЬЕВА.

+1
0
+1
0
+1
0
+1
0
+1
0
+1
0
+1
0