Атырдьах ыйын 30 күнүттэн балаҕан ыйын 5 күнүгэр диэри Ижевск куоракка буоксаҕа Арассыыйа Куубага ыытыллыаҕа. Манна Саха сириттэн алта спортсмен кыттыаҕа.
Ол курдук, Михаил Варламов (60 киилэҕэ) уонна Николай Григорьев (52 киилэҕэ) Уһук Илиҥҥи федеральнай уокуруктан, Борис Сидоров (49 киилэҕэ), Василий Егоров (52 киилэҕэ) уонна Назар Андреев (75 киилэҕэ) Киин федеральнай уокуруктан, Михаил Прокопьев (49 киилэҕэ) Соҕурууҥҥу федеральнай уокуруктан кыттыахтара.
Риингэҕэ РФ уон субъегыттан 250 боксер күрэхтэһиэҕэ. Хамаандалар рейтиннэрэ 2019 сыллаахха буолбут Арассыыйа чөмпүйэнээтин түмүгүнэн талыллыбыта:
1 м – Киин федеральнай уокурук
2 м – Ураллааҕы федеральнай уокурук
3 м – Приволжскай федеральнай уокурук
4 м – Хоту Кавказтааҕы федеральнай уокурук
5 м – Санкт-Петербург
6 м – Соҕурууҥҥу федеральнай уокурук
7 м – Сибиирдээҕи федеральнай уокурук
8 м – Уһук Илиҥҥи федеральнай уокурук
9 ме – Москва
10 ме – Хотугулуу-Илиҥҥи федеральнай уокурук
Киирсиилэри ютубка уонна «Матч ТВ» теле-хнаалга көрүөхүтүн сөп.
Күрэхтэһии бирииһин пуондата — 150 мөлүйүөн солкуобай. Кыайыылаах хамаанда 7 мөлүйүөн солкуобайы ылыаҕа.
edersaas.ru