Боксердарбыт Арассыыйа чөмпүйэнээтигэр кыттыахтара

05.11.2020
Бөлөххө киир:

Саха сирин уон боксера Оренбург куоракка ыытыллар Арассыыйа чөмпүйэнээтигэр кыттыаҕа. 

Боксердарбыт Саха сирин, Московскай уонна Ленинградскай уобаластар уонна Краснодарскай кыраай аатыттан күрэхтэһиэхтэрэ.

«Саха сирин хамаандатыттан Талбан Егоров, Николай Григорьев, Михаил Варламов, Айаал Степанов уонна Василий Стручков күрэхтэһиэхтэрэ. Оттон Москва аатыттан кыттар путевкалар Борис Сидоровка уонна Назар Андреевка бааллар«, — диэн Успуорка бэлэмнэнии өрөспүүбүлүкэтээҕи киинин тириэньэрэ Владимир Павлов «Спорт Якутии» саайтка иһитиннэрбит.

Кини этэринэн, успуорт үтүөлээх маастара Василий Егорова Саха сирин уонна Москва уобалаһын аатыттан киирсэр эбит. Оттон Евгений Мартынов уонна Михаил Прокопьев турнирга Санкт-Петербург уонна Краснодарскай кыраай аатыттан кыттыахтара.

Саха сирин сүүмэрдэммит хамаандата сэтинньи 12 күнүгэр Краснодарга хомуурга көтүөҕэ.

edersaas.ru

СИА хаартыската.

+1
0
+1
0
+1
0
+1
0
+1
0
+1
0
+1
0