Бойобуой дьайыылар бэтэрээннэрин ассоциацията улуустар баһылыктарын кытта үлэлиэҕэ

Бүгүн бойобуой дьайыылар бэтэрээннэрин ассоциацията СӨ Ил Дарханын уонна Бырабыыталыстыбатын олохтоох салайыныы боппуруостарыгар департамент салайааччыта Иван Поповы кытта көрүстүлэр.

— Бииргэ үлэлээһини тэрийэр соруктаах улуустар баһылыктарын кытта үлэлиир соруктаахпыт. Кэлэр нэдиэлэҕэ улуустар баһылыктарын уонна бойобуой дьайыылар бэтэрээннэрин кытта үлэ сөбүлэҥин түһэрсии докумуонун бырайыагын бэлэмнээн киллэриэх буоллубут.  Улуу Кыайыы күнүгэр диэри биэс-алта улууска сылдьар былааннаахпыт. Биир эмэ улуус бэйэтэ ыҥырдаҕына, эбии бара сылдьыахха сөп, — диэн иһитиннэрдэ өрөспүүбүлүкэтээҕи “Өйдөбүнньүк” уопсастыбаннай тэрилтэ салайааччыта Иван Черкашин.

Елена ПОТОЦКАЯ, “Саха сирэ” хаһыат, edersaas.ru

Хаартыска — Иван Черкашин тиксэриитэ.