Богдан Прокопьев пауэрлифтиҥҥэ Европаҕа бастыыр иһин күрэхтэһиигэ боруонса мэтээли ситистэ

Саха сирин күүстээҕэ Богдан Прокопьев пауэрлифтиҥҥэ Европаҕа бастыыр иһин күрэхтэһиигэ боруонса мэтээли ылла диэн «Спорт Якутии» саайт иһитиннэрэр.

Богдан Прокопьев бэйэтин көрүҥэр «приседка» 350 киилэ ыйааһыны, оттон үс көрүҥ түмүгүнэн 872,5 киилэни көтөхтө. Онон Арассыыйаҕа юниордарга икки саҥа рекорду олохтоото. Эрдэтээҥҥи рекордары эмиэ Богдан олохтообута.

Бу сылга спортсмен аан дойдуга бастыыр иһин күрэхтэһиигэ боруонса призер уонна Арассыыйаҕа бастыыр иһин күрэхтэһиигэ кыайыылааҕынан, үрүҥ көмүс призерунан буолбута.

Бэлиэтээн суруйдахха, Богдан Прокопьев Саха сиригэр сылы түмүктүүр «Grand Final. Чемпионы Якутии-2021» диэн бастыҥнары быһаарар бириэмийэҕэ номинацияҕа киирбитэ.

Хаартыска — «Спорт Якутии».