СӨ Үөрэҕин уонна наукатын министиэристибэтэ БКЭ (биир кэлим эксээмэн) сүрүн уонна эрэсиэрбэ болдьоҕун ыйда.
Дойдуга коронавирус дьаҥа тарҕаммытынан сибээстээн, быйыл БКЭ-ни үрдүк үөрэххэ киирэр былааннаах эрэ дьон туттарыахтара. Ол да буоллар, оскуоланы бүтэрбитин туоһулуур аттестаты үөрэнээччигэ барыларыгар биэриэхтэрэ.
Саха сиригэр БКЭ-ни барыллаан 6082 киһи туттарара биллэр. Эксээмэни ыытарга анаан 233 пуун бэлэмнэнэр. Билигин өрөспүүбүлүкэҕэ пууннары дезинфекциялыыр сириэстибэлэринэн, термометрдарынан, рециркулятордарынан о.д.а. хааччыйыы үлэтэ барар. Эксээмэнээччилэри бэйэ-бэйэлэриттэн 1,5 миэтэрэ тэйиччи олордуохтара.
Сылы түмүктүүр өйтөн суруйуу (аахпыттан суруйуу) бэс ыйын 17 күнүгэр ыытыллара былааннанар. Роспотребнадзор ирдэбиллэрэ толоруллуохтара.
БКЭ сүрүн болдьохторо:
— от ыйын 3 күнэ — география, литература, информатика;
— от ыйын 6-7 күннэрэ — нуучча тыла;
— от ыйын 10 күнэ — профильнай математика;
— от ыйын 13 күнэ — физика, устуоруйа;
— от ыйын 16 күнэ — обществознание, химия;
— от ыйын 20 күнэ — биология омук тыллара (суругунан);
— от ыйын 22-23 күннэрэ — омук тыллара (тылынан).
Эрэсиэрбэ күннэрэ:
— от ыйын 24 күнэ — нуучча уонна омук тылларыттан ураты биридимиэттэр;
— от ыйын 25 күнэ — биридимиэттэргэ барытыгар.
Ааспыт сыллар выпускниктарыгар:
— атырдьах ыйын 3 күнэ — география, литература, информатика, биология, устуоруйа уонна омук тыллара (тылынан);
— атырдьах ыйын 5 күнэ — нуучча тыла;
— атырдьах ыйын 7 күнэ — обществознание, химия, физика, профильнай математика уонна омук тыллара (суругунан);
— атырдьах ыйын 8 күнэ — бары биридимиэттэргэ эрэсиэрбэ күнэ.
Бэлиэтээн суруйдахха, БКЭ туттарыытыттан тутулуга суох эрэгийиэн оскуолаларын бүтэрээччилэргэ барыларыгар 5000 солкуобай төлөнүөҕэ.
БКЭ туһунан сиһилии 42-10-46, 8(924)599-32-12 нүөмэрдэргэ эрийэн билсиэххитин сөп.