Коронавирус дьаҥа хаһааҥҥытааҕар даҕаны сытыырхайда. Холобур, ааспыкка сууккаҕа Саха сирин үрдүнэн 1525 киһи ыалдьыбыта билиннэ. Ыалдьыбыт киһи ахсаана эбиллэн, миэдиктэргэ уонна мэдиссиинэ тэрилтэлэригэр улахан ноҕоруусканы үөскэттэ. Ол иһин, көһө сылдьан үлэлиир анал биригээдэлэр баар буоллулар.
Ханна тэрилиннилэр?
Улахан дьоҥҥо. 1-кы №-дээх поликлиника отделениетыгар (Кальвица уул. 3) ОРВИ-нан уонна коронавирус сибикилээх дьону көрөр амбулатория үлэлиир буолла. Амбулаторияҕа Бестужев-Марлинскай искибиэринэн киириллэр. Сарсыарда 8 чаастан киэһэ 8-ка диэри үлэлиир.
Оҕолорго. 2 №-дээх поликлиника отделениетын (202-с микро-оройуон, 2-с куорпус) амбулаториятыгар коронавируһунан ыалдьыбыт уонна хантаактаах оҕолору көрөллөр. 9-с куорпус өттүнэн киириллэр. Сарсыарда 8 чаастан киэһэ 6-ҕа диэри үлэлиир.
Ити этиллибит амбулаторияларга ОРВИ уонна коронавирус сибикитэ баар буоллаҕына, кэлэн көрдөрүнүҥ. Өскөтүн, кыайан кэлэр кыаххыт суох буоллаҕына, колл-киин 122 нүөмэригэр эрийиҥ уонна 1-ри баттаан баран, салгыы түөрдү баттааҥ (122+1+4), оччоҕуна Дьокуускай куорат Мэдиссиинэҕэ киинигэр эрийэн тиийиэххит.
edersaas.ru