М.К.Аммосов аатынан судаарыстыбаннай бириэмийэ туһунан Ил Дархан Ыйааҕа
“2020 сылга судаарыстыбаннай тутул эйгэтигэр М.К.Аммосов аатынан Саха Өрөспүүбүлүкэтин Судаарыстыбаннай бириэмийэтин аныыр туһунан”
Саха Өрөспүүбүлүкэтин Ил Дарханын Ыйааҕа
Саха Өрөспүүбүлүкэтин Ил Дарханын 2015 сыл балаҕан ыйын 8 күнүнээҕи “Саха Өрөспүүбүлүкэтин судаарыстыбаннай бириэмийэлэрин туһунан балаһыанньалары бигэргэтэр туһунан” 660 №-дээх Ыйааҕар сөп түбэһиннэрэн, судаарыстыбаннай тутул эйгэтигэр М.К.Аммосов аатынан Саха Өрөспүүбүлүкэтин Судаарыстыбаннай бириэмийэтин аныыр хамыыһыйа этиитин көрөн баран, уурабын:
Саха Өрөспүүбүлүкэтин судаарыстыбаннаһын уонна парламентаризмын сайыннарыыга уһулуччулаах өҥөтүн, Саха Өрөспүүбүлүкэтин социальнай-экэнэмиичэскэй сайдыытыгар сүҥкэн кылаатын, Арассыыйа норуоттарын духуобунай өттүнэн сомоҕолоһууларын үөскэтиигэ уонна тэнитиигэ сүҥкэн кылаатын уонна өр сыллаах таһаарыылаах уопсастыбаннай-бэлитиичэскэй үлэтин иһин, лауреат аатын иҥэрэн туран, 2020 сылга судаарыстыбаннай тутул эйгэтигэр М.К.Аммосов аатынан Саха Өрөспүүбүлүкэтин Судаарыстыбаннай бириэмийэтин аныырга
КРИВОШАПКИН Андрей Васильевичка, Саха Өрөспүүбүлүкэтин Хоту дойду аҕыйах ахсааннаах төрүт норуоттарын ассоциациятын бэрэсидьиэнигэр, Саха Өрөспүүбүлүкэтин култууратын үтүөлээх үлэһитигэр, Саха Өрөспүүбүлүкэтин норуодунай суруйааччытыгар, Саха Өрөспүүбүлүкэтин Бочуоттаах гражданиныгар.
Саха Өрөспүүбүлүкэтин Ил Дархана А.Николаев
2020 сыл муус устар 24 күнэ
1138 №-дээх.