Биология уопсастыбатын доброволецтара Горнайга үлэлээтилэр
Бу күннэргэ Бэтэринээрийэ департаменын салайааччы Петр Петров Арассыыйатааҕы Биология уопсастыбатын доброволецтарын Горнай улууһугар илдьэ сырытта.
Петр Лукич доброволецтары Күөрэлээххэ бэтэринээрийэ пуунун сэбиэдиссэйэ Галина Федорованы кытары көрүһүннэрдэ. Доброволецтар тыа сирин бэтэринээрин үлэтин-хамнаһын билистилэр, уокка атахтарын сиэппит икки убаһаны уонна тыһаҕастары көрөн-истэн, эмтээтилэр.
Бэс Күөлүгэр олохтоох бэтэринээрдэри уонна Атамай нэһилиэгин баһылыгын кытары көрүстүлэр. Чөлүгэр түһэрэр үлэни көрдүлэр-иһиттилэр. Даҕатан эттэххэ, улуус бэтэринээрдэрин түөрт киһилээх биригээдэтэ «Сахаагроплем» тэрилтэ үлэһиттэрин кытары Диана Жиркова бааһынай хаһаайыстыбатыгар хотон тута сылдьаллар диэн Бэтэринээрийэ департамена иһитиннэрэр.
Раиса Сибирякова, «Саха сирэ», edersaas.ru