Иистэнньэҥҥэ туһалаах тэтэрээт
Бу “Якутия медиа-холдинг” ААУо уонна иистэнньэҥ Ирина Сарта биир сүбэнэн толкуйдаан таһаарбыт оҥоһуктара.
Манна таҥаһы-сабы тигэргэ матырыйаал көрүҥнэрэ, иистэнэр массыына иннэлэрин араастарын туһунан, таҥаһы тигэргэ мээрэйи устуу быраабылата, о.д.а. сүбэлэр киллэриллибиттэр. Мээрэйи устан баран, бу тэтэрээккэ суруйан иһиэххин сөп.
Тоҥ балыгы сөпкө кыһарга
Тоҥ балыгы кыһарга анал мастаах, сүбэлэрдээх кинигэ холбуйаҕа угулла сылдьара болҕомтону тардар.
Ааптар Игорь Чикачев тоҥ балыгы кыһарга анал дуосканы туохтан, хайдах толкуйдаан таһаарбытын туһунан киирии тылыгар суруйар. Маны сэргэ, кини балыгы хайдах талартан саҕалаан, хаһаанарга, кыһарга тиийэ сүбэ-ама биэрбитэ туһалаах буолара саарбахтаммат. Маныаха кыһыллыбыт балыгы тугу кытта сиэххэ сөбө кытары суруллубутун ааҕааччылар сэҥээриэхтэрэ. Кинигэ хаартыскаларынан ситэриллэн-хоторуллан биэрбит. “Якутия медиа-холдинг” ААУо бэлэмнээн таһаарбыт.
Бу бэйэ туһанарыгар абыраллаах, бэлэххэ биэрэргэ бэртээхэй кинигэ.
+1
+1
+1
+1
+1
+1
+1