«Билии» уопсастыба үлэтин цифровой платформаҕа сөргүтүөхтэрэ

Ааптар: 
Бөлөххө киир:
Москваҕа Арассыыйатааҕы «Билии» уопсастыба уочараттаах  сийиэһэ ыытылынна. Онно уопсастыба  салайар саҥа састаабын бигэргэттилэр уонна инники үлэлэрин торумнаатылар.  Сийиэс быһаарыытынан кэтээн көрөр сэбиэт бэрэссэдээтэлинэн РФ бэрэсидьиэнин дьаһалтатын  салайааччытын бастакы солбуйааччыта  Сергей Кириенко талылынна. Бу туһунан ТАСС ааҕыныстыба иһитиннэрдэ.
Сийиэскэ «Билии» уопсастыба үлэлиир 83 эрэгийиэниттэн  190-ча киһи кыттыыны ылла.

Кэтээн көрөр сэбиэт бэрэссэдээтэлин солбуйааччытынан РФ бэрэсидьиэнин көмөлөһөөччүлэрэ  Владимир Мединскэй, Максим Орешкин, Андрей Фурсенко, Любовь Духанина буоллулар.

«Билии» уопсастыба генеральнай дириэктэринэн  «Нетология-групп» холдингы уонна  «Фоксфорд» онлайн-сервис төрүттээччи,  «Лидеры России. Политика»  күрэх  кыайыылааҕа Максим Древаль талылынна.

Кэтээн көрөр сэбиэккэ үөрэх миниистирэ  Сергей Кравцов, култуура миниистирэ Ольга Любимова,  наука уонна үрдүк үөрэх миниистирэ Валерий Фальков,  Росмолодежь салайааччыта Александр Бугаев уонна Арассыыйа наукаларын академиятын бэрэсидьиэнэ   Александр Сергеев киирдилэр.

Санатан эттэххэ, кулун тутар  26 күнүгэр Владимир Путин кыттыылаах  «Россия — страна возможностей» АНО кэтээн көрөр сэбиэт мунньаҕар  Максим Древаль «Билии» уопсастыба  аныгы уонна  технологичнай платформатын тэрийии туһунан этии киллэрбитэ.

Владимир Путин бу этиини өйөөбүтэ уонна муус устар   21 күнүгэр  Федеральнай мунньахха этиитигэр «Билии» уопсастыбаны цифровой платформаҕа хаттаан  саҥардан туһунан эппитэ.

ТАСС

+1
0
+1
0
+1
0
+1
0
+1
0
+1
0
+1
0