Билигин да үгүс дьиэлэргэ ууну учуоттуур прибордар туруорулла иликтэр

Бөлөххө киир:

Билигин даҕаны Дьокуускай куоракка, хомойуох иһин,  ууну учуоттуур, ааҕар прибордары туруоруммакка олорооччулар элбэх эбиттэр. Дьиҥэр, XXI үйэ дэниллэр сайдыылаах кэмҥэ олоробут.

СӨ судаарыстыбаннай тутуу уонна олорор дьиэ надзорун управлениета бу күннэргэ анал бэрэбиэркэни тэрийбитин түмүгэр,  элбэх кыбартыыралаах 38 дьиэҕэ итии ууну учуоттуур прибордар  суохтара биллибит.  2018 сыллаахха «Якутскэнерго» АУо  ити 38 дьиэҕэ итии ууну учуоттуур уопсай биир прибору туруорбут, маныаха анал аахталар толоруллубуттар.

Энергетическэй кыамта үрдүүрүгэр уонна эниэргийэни  кэмчилээһин сокуонугар кэһиилэр тахсыбыттарынан «Прометей+» ХЭУо административнай эппиэтинэскэ тардыллан, баар кэһиилэри көннөрөрүгэр сорудахтанна.

СӨ судаарыстыбаннай тутуу уонна олорор дьиэ надзорун управлениетын салайааччы Павел Аргунов: «Элбэх кыбартыыралаах дьиэлэргэ учуоттуур прибордар  баар буолууларын хааччыйыыга сүрүн эппиэтинэһи салайар хампаанньалар (УК), кыбартыыралары бас билээччилэр табаарыстыбалара (ТСЖ) сүгэллэр», — диэн быһаарар.

+1
0
+1
0
+1
0
+1
0
+1
0
+1
0
+1
0