Бүгүн, олунньу 1 күнүгэр, «Саха» НКИХ ханаалыгар 11.00 чаастан СӨ бырабыыталыстыбатын 2019 сыллааҕы үлэтин отчуоттаата.
Дьокуускай куорат олохтооҕо быһа эпииргэ сибээскэ: «Көтөр аалга субсидированнай билиэттэр тахсаат, тоҕо олус түргэнник бүтэн хаалалларын», — туһунан ыйытта.
Бырабыыталыстыба бэрэссэдээтэлэ Владмир Солодов субсидированнай билиэттэр Федеральнай бүддьүөттэн хааччахтанарын, олохтоох «Якутия» авиахампаанньа бэйэтигэр ночооттоохтук көтөр кыаҕа суоҕун ыйда.
Бу кыһалҕаны быһаарар сыалтан, үүммүт сылга Арассыыйа транспортын министиэристибэтин кытта ыкса үлэлэһэн эрэллэрин кэпсээтэ. Ситимнээх үлэ түмүгүнэн льготалаах билиэттэр элбиэхтэрэ диэн бэлиэтээтэ.
Ульяна ЗАХАРОВА, edersaas.ru
+1
+1
+1
+1
+1
+1
+1