Ханна баҕарар тиийдэҕинэ турист, тугу барытын умнан туран, сылдьыбыт сирин туһунан умнуллубат өйдөбүнньүгү — сувениры атыылаһарга тиэтэйэр.
edersaas.ru
Онон «Хоту дойду остуоруйалара» айар мастарыскыай үлэһиттэрэ кыһыҥҥы туризмҥа аналлаах сувенирдары оҥорон таһааран, кэм ирдэбилигэр сөп түбэһиннэрэн үлэлии олороллор. «БиисинэсЭкспо-2019» быыстапкаҕа кинилэр истиэндэлэригэр үгүс киһи мустубутуттан сылыктаатахха, сувенирдар атыылаһааччы интэриэһин тартылар.
Айар куттаах дьон матырыйаалларын «Сахабулт» маҕаһыыннарыттан атыылаһаллар эбит. Кинилэр сүрүннээн сакааска үлэлииллэр.
Хоту дойду тиэмэтигэр үлэлиир буолан, Саҥа дьыл үүнээри турдаҕына кинилэр сувенирдара атыыга хамаҕатык бараллар.
Куукула тыйаатырдарыгар сөптөөх гына оҥорор буолан, бу маннык оҥоһуктар, сувениры оҥорор атын дьоҥҥо эмиэ холобур буолуон сөп.
Елена ПОТОЦКАЯ, «Саха сирэ» хаһыат, edersaas.ru
Хаартыскаҕа ааптар түһэриитэ.
+1
+1
+1
+1
+1
+1
+1