“Биир ньыгыл Арассыыйа” ыам ыйын 19 күнүгэр гааһы босхо холбооһуҥҥа сокуон барылын киллэрдэ
“Биир ньыгыл Арассыыйа” ыам ыйын 19 күнүгэр дьоҥҥо гааһы босхо холбуур туһунан сокуон барылын киллэрдэ.
Маны Госдуума сааскы сессиятын бүтүүтэ ылынарга былаанныыллар. Докумуоҥҥа быһаччы суруллубут – учаастакка диэри гааһы тиэрдиигэ дьон харчытын туһаныахтара суоҕа, диэн бэлиэтээтэ баартыйа Генсэбиэтин сэкирэтээрэ Андрей Турчак Арассыыйа Бэрэсидьиэнин Владимир Путин мунньаҕын кэмигэр ыам ыйын 19 күнүгэр.
“Биир ньыгыл Арассыыйа” Бырабыыталыстыбаны кытта бу бырагыраама тутаах балаһыанньаларын сиһилии ырыттылар. Бырабыыталыстыба хайы-үйэ социальнай гаастааһыҥҥа суол каартатын бигэргэттэ. Баартыйа эн Анал этиигэр соругу толорууну сокуон таһымыгар хааччыйар сокуон барылын бэлэмнээтэ. Бүгүн маны Судаарыстыбаннай Дуумаҕа ыытыахпыт”, — диэтэ Андрей Турчак.
Баартыйа генсэбиэтин сэкирэтээрэ сокуону Госдуума бу сессиятыгар дьон түргэнник гааска холбоноллорун туһугар ылыныахтара диэн бэлиэтээтэ.
“Холбонуу үлэтэ дьоҥҥо табыгастаах уонна судургу буолуохтаах”, — диэтэ Андрей Турчак.
Санатан эттэххэ, “Биир ньыгыл Арассыыйа” муус устар ыйга баартыйа Генсэбиэтин сэкирэтээрин солбуйааччы Тверь уобалаһыгар айанын түмүгэр бэрэсидьиэҥҥэ дьоҥҥо гааһы босхо холбуур туһунан көҕүлээһини киллэрбитэ. Судаарыстыба баһылыга баартыйа этиитин Федеральнай Мунньахха Анал этиитигэр өйөөбүтэ уонна Миниистирдэр кэбиниэттэригэр 2023 сылга диэри дьиэ иэниттэн тутулуга суох дьоҥҥо гааһы босхо холбооһуну хааччыйарга соруйбута. Үлэни тэрийиинэн биир оператор дьарыктаныаҕа, оттон бары ыытыллар үлэ “биир түннүк” бириинсибинэн олохтонуоҕа. Эрэгийиэннэргэ гааска босхо холбонуу болдьоҕун уонна дьиэлэргэ диэри гааһы тардыы туһунан биир кэлим иһитиннэрии баазатын “Биир ньыгыл Арассыыйа” эрэгийиэннээҕи уонна олохтоох салаалара бэлэмниэхтэрэ.
СИА.
Бэлэмнээтэ Женни Стрюкова
Хаартыска: тустаах саайтан