«Биир ньыгыл Арассыыйа» онлайн-пуорумугар волонтердар этиилэри киллэрдилэр

Бөлөххө киир:

Бастакы пуорумҥа РФ Бэрэсидьиэнэ В. Путин өйөөбүт этиилэрин баартыйа бырабыыталыстыбаны кытта тэҥҥэ олоххо киллэрэргэ үлэлэспит.

«Биир ньыгыл Арассыыйа» волонтердарын кииннэрэ үлэлэрин тохтоппоттор. Дьаҥ балаһыанньата сорох эрэгийиэннэргэ аматыйан эрэрин баартыйа бэрэссэдээтэлэ Михаил Медведев бэлиэтиир:

— Ылыллыбыт миэрэлэр түмүктэрэ, дьэ, көстөн эрэр. Ол эрээри холкутуур эрдэ. Ол иһин бары кыахпытын дьоҥҥо көмөҕө аныыбыт, — диир. Кини иккис социальнай пуоруму арыйыытыгар бары волонтердарга махтаммыта. Волонтердар сүрүн үлэлэринэн миэдиктэргэ сылаас аһылыгы тиэрдии буолар. Сыл бастакы ыйыгар автоволонтердар номнуо 50 тыһыынча көмөнү, аһылыгы тиэрдиигэ оҥорбуттар. Бу туһунан баартыйа генсэбиэтин сэкирэтээрэ Андрей Турчак бэлиэтиир. Маны таһынан волонтердар миэдиктэргэ табаары, аһы-үөлү тиэрдиигэ көмөлөспүттэр, оҕо көрүүтүн өҥөтүн эмиэ оҥорбуттар. Ыалдьыбыт дьоҥҥо эмп-томп тиэрдии, колл-кииннэргэ үлэлээһин. «Дойду үрдүнэн маасаабай вакцинация саҕаланна, көхпүтүн тохтоппоппут, билигин да биһиги көмөбүт  наада», — диир Андрей Турчак. Брянскай горсэбиэт дьокутаата Алексей Солонкин аҕам саастаахтар, инбэлииттэр олорор интэринээттэрин, пансионаттарын олорор усулуобуйата, баһаарынай өттүнэн көмүскэллээх буолуохтааҕын бэлиэтиир. Маны сэргэ, тулаайах оҕолор олорор дьиэлэригэр тэлэбиисэрдэр, хаһыаттарга сурутуу, сылаас таҥастар тиэрдиллибиттэр.

Ульяна Захарова.

+1
0
+1
0
+1
0
+1
0
+1
0
+1
0
+1
0