«Биир ньыгыл Арассыыйа» партия чилиэннэрэ бырабыыталыстыба отчуотун кэмигэр оскуолалары өрөмүөннээһин, ийэлэргэ босуобуйаны үрдэтээһин уонна «ийэ хапытаалын” туһаныы кыһалҕаларын ырытыыга таһаардылар.
edersaas.ru
Бу кыһалҕалар эрэгийиэннэргэ уонна дойду үрдүнэн олус күүскэ тыҥаан тураллар диэн, партия Дууматааҕы фракциятын салайааччыта бэлиэтээн эттэ.
Чуолаан, «Биир ньыгыл Арассыыйа» депутаттара оскуола дьиэлэрин өрөмүөннээһиҥҥэ уонна саҥа миэбэлинэн хааччыйыыга сыһыаннаах федеральнай үбүлээһин кыһалҕатын туһунан ыйытыыны туруордулар. Партия фракциятын салайааччыта Сергей Неверов этэринэн, элбэх оскуолалар, ордук тыа сиригэр, дьиэлэрин үрдүн бүрүйүүгэ, түннүктэри уларытыыга ананар үбүлээһин билигин федеральнай программаларга киирбэккэ хаалбыттар.
«Оскуола үөрэнээччилэригэр босхо итии аһылыгынан хааччыйыы туһунан сокуон киириитинэн сибээстээн, ас астыыр сирдэри эмиэ саҥардыы кыһалҕата үөскээтэ«, — диэн быһаарда.
Ону бу фракцияттан таһынан оҕолоноору учуокка турбут дьахталларга көмө харчыны элбэтии туһунан ырытыыны тэрийии туһунан этии киллэрдилэр. «Ийэ хапытаалын” массыына атыылаһарга, дьиэ таһынааҕы тутуу үлэтин ыытарга туттуу туһунан нэһилиэнньэ, ордук тыа сиригэр олорор гражданнар туруорсаллар диэн Сергей Неверов дьон санаатын иһитиннэрдэ.
«Саха сирэ» хаһыат, edersaas.ru
Хаартыска https://yakut.er.ru/