Эрэгийиэннээҕи волонтер киинин үлэһиттэрэ коронавирустан быһыыны ыллылар
Дьокуускай куорат 2 №-дээх балыыһатыгар «Биир ньыгыл Арассыыйа» партия эрэгийиэннээҕи салаатын үлэһиттэрэ, волонтердар уонна эдэр гвардеецтар вакцинация бастакы түһүмэҕин аастылар. Кинилэр «Гам-КОВИД-Вак» вакцинаны ыллылар.
edersaas.ru
Быһыыны оҥоруох иннинэ, тымныйыылаах эбэтэр дьарҕарбыт ыарыылаах дьону терапевт-быраас анкета көмөтүнэн быһаарбыт.
Быраастар дьарҕа буолбут ыарыылаах дьону быһыыны эрдэттэн ылалларыгар ыҥыраллар. Ол гынан баран, быһыыны оһоҕостоох уонна кырачааннарын эмтэрэр ийэлэр, ону сэргэ аллергиялаах дьон ылбаттар. Ковидынан ыалдьа сылдьыбыт дьон быһыыны 6 ый кэнниттэн ылыахтарын сөп.
«Мэдиссиинэ үлэһиттэригэр быһыыны биэрбиттэригэр махталбын тиэрдэбин. Маасканы уонна бэрчээккини кэтии күннээҕи олохпутугар бигэтик тутуһуллар. Ол да буоллар, бары быһыыны ыларга быһаарынныбыт. Тоҕо диэтэххэ, дьону кытта ыкса алтыһан үлэлиибит. Ону сэргэ, көмөлөһөр дьоммут доруобуйаларыгар эппиэтинэстээхтик сыһыаннаһыахтаахпыт”, — диир «Биир ньыгыл Арассыыйа” партия эрэгийиэннээҕи салаатын волонтера Александр Петров.
«Саха сирэ» хаһыат, edersaas.ru