Бэлиитикэ

“Биир ньыгыл Арассыыйа” бэрэстэбиитэллэрэ быһа сибээскэ тахсан олохтоохтор ыйытыыларыгар хоруйдаатылар

От ыйын 29 күнүгэр “Биир ньыгыл Арассыыйа” Саха сиринээҕи эрэгийиэннээҕи салаата Судаарыстыбыннай Дуума VIII ыҥырыытыгар депутаттары быыбардыыр хампаанньатын саҕалаата. Партия эрэгийиэннээҕи салаатын сэкирэтээрэ, Ил Дархан Айсен Николаев быһа эпииргэ партия кыттыылаахтарын кытта өрөспүүбүлүкэ бүгүҥҥү тыын кыһалҕаларын ырытта.

Быһа эпииргэ “Биир ньыгыл Арассыыйа” партияттан кандидаттар: Госдуума депутата Галина Данчикова,  офтальмологическай килиниическай балыыһа  кылаабынай бырааһа Иван Луцкан, «Лига отцов Республики Саха (Якутия)» салайааччыта  Петр Черкашин, экология миниистирэ Сахамин Афанасьев, ХИФУ ректора Анатолий Николаев, уонна да атын партия кыттыылаахтара уонна активистара кытыннылар.

Быһа сибээс кэмигэр кыттааччылар Алдан, Амма, Мииринэй, Нерюнгри, Муома улуустарын олохтоохторун ыйытыыларыгар хоруйдаатылар.

«Саха сирэ» хаһыат, edersaas.ru

Хаартыска sakha.gov.ru

0
0
Telegram @edersaas20