Биир нэдиэлэ иһигэр «Триумф» амбулаторнай киинигэр 10,5 тыһыынча киһи сырытта

Ил Дархан Айсен Николаев быһаччы сорудаҕынан,  «Триумф» успуорт киинигэр амбулаторнай киин тохсунньу 26 күнүгэр аһыллыбыта. Онон, номнуо биир нэдиэлэ ааһа оҕуста.

Нэдиэлэ устата анаалыс туттара уонна бырааска көрдөрүнэ  10,5 тыһыынча кэриҥэ куорат олохтооҕо сырытта.

Киин күннэтэ сарсыарда аҕыс чаастан киэһэ аҕыс чааска диэри үлэлээн, күҥҥэ ортотунан  миэдиктэр 1300  киһини көрдүлэр. Олохтоохтор анаалыс туттарыытын таһынан, больничнай лиис эмиэ толоттороллор, ыалдьыбыт дьон босхо эми анаттараллар.

Маннык амублаторнай киин Мииринэй куоракка эмиэ аһыллан үлэлии турар.

Саха сирин уопутун туһанан, маннык амбулаторнай кииннэр успуорт комплексыгар  Воронеж уонна  Улан-Удэ  куораттарга аһыллыбыттара.

edersaas.ru