Маны аах Уопсастыба

Биир кэлим хантаак-киин үлэлиир

2020 сыл ахсынньы 3 күнүгэр РФ бырабыыталыстыбата гражданнары кытары алтыһарга аналлаах Биир кэлим хантаак-киини (Единый контакт-центр) тэрийэр туһунан уурааҕа тахсыбыта. Социальнай өҥөнү ыларга ыйытыылаах буоллахха, бу нүөмэргэ эрийэн, сүбэни, хоруйу ылыахха сөп.

Биир кэлим хантаак-кииҥҥэ РФ үлэҕэ, социальнай сайдыыга министиэристибэтэ, Биэнсийэ пуондата, Социальнай страховкалааһын пуондата, мэдиссиинэ-социальнай эспэртиисэ федеральнай тэрилтэлэрэ, социальнай көмүскэл миэрэлэрин оҥорор бырааптаах судаарыстыбаннай былаас уорганнара, үлэҕэ, дьарыктаах буолууга федеральнай сулууспа, Элбэх өҥөнү оҥорор кииннэр, РФ цифровой сайдыыга, сибээскэ, маассабай коммуникацияларга министиэристибэтэ бааллар.

Бу тэрилтэлэргэ, биэдэмистибэлэргэ туһааннаах, социальнай көмө миэрэлэрин тустарынан ыйытыылаах буоллаххытына, 8 800 6 000000 нүөмэргэ эрийэҕит.

Быйыл олунньу 15 күнүттэн Саха сиринээҕи мэдиссиинэ-социальнай эспэртиисэ кылаабынай бюрота бу Биир кэлим хантаак-киин кыттааччыта буолбута. Билигин күннэтэ отучча киһи эрийэн, сүбэлэтэр, ыйытар. Инникитин дьон хантаак-киин туһунан билэн-көрөн бардаҕына, эрийэн кэлэр дьон ахсаана эбиллэр кэриҥнээх.

Холобур, Саха сиринээҕи мэдиссиинэ-социальнай эспэртиисэ кылаабынай бюротугар инбэлииккэ тахсыы, о.д.а. боппуруостарга быһаччы хоруйдары табыгастаахтык ылыахха сөп.

Ангелина Васильева, «Саха сирэ» хаһыат, edersaas.ru

Хаартыска: vladtv.ru

0
0
Telegram @edersaas20