Биир кэлим эксээмэни көһөрөр буолбуттар

Ааптар: 
Бөлөххө киир:

Арассыыйаҕа 2020 сыллааҕы биир кэлим эксээмэн болдьоҕор көннөрүүлэр киллэриллэллэр диэн РФ Үөрэҕириигэ министиэристибэтигэр иһитиннэрэллэр.

edersaas.ru

Ону тэҥэ, үрдүк үөрэххэ туттарсыбат оҕолорго аттестаттарыгар сыллааҕы түмүктэрэ туруон сөп.

«БКЭ — билиини туоһулуур уонна ханна олорортон тутулуга суох үрдүк үөрэххэ киирэр мэхэниисим. Бүгүҥҥү туругу уонна доруобуйаны көмүскүүр миэрэлэри учуоттаан туран, быйыл үрдүк үөрэххэ туттарсар эрэ 11-с кылааһы бүтэрээччилэр биир кэлим эксээмэни туттарыахтара«, — диэн Сергей Кравцов быһаарар. Атыттарга нуучча тылыгар уонна математикаҕа эксээмэн ыытыллара былааннаммат.

Бу биллэн турар, дойдуга эпидемиологическай балаһыанньа оннун була илигинэн сибээстээн буолар. Онон педагогтарга, үөрэнээччилэргэ куттал суоһаабатын туһугар, доруобуйа харыстабылын уорганын сүбэтигэр олоҕуран быһаарыллыбыт.

Оттон сүрүн судаарыстыбаннай эксээмэн (ОГЭ) булгуччулаах биридимиэттэргэ эмиэ ыытыллыбатын иһитиннэрэллэр.

РФ Үөрэҕириигэ министиэристибэтин саайтыгар ааҕыҥ https://edu.gov.ru/press/2450/provedenie-ege-perenesut-na-bolee-pozdnie-sroki/

 Людмила ПОПОВА, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0