РФ Үөрэҕириигэ министиэристибэтэ уонна Үөрэҕи кэтээн көрөр федеральнай сулууспа кэлэр 2022 сылга биир кэлим эксээмэн (ЕГЭ) уонна сүрүн судаарыстыбаннай эксээмэн (ОГЭ) болдьохторун бырайыагын бэлэмнээбиттэр. Ити туһунан ТАСС суруйар.
Бырайыакка олоҕуран, 11-с кылааһы бүтэрээччилэргэ ыытыллар биир кэлим эксээмэн (ЕГЭ) 2022 сыл кулун тутар 21 күнүттэн от ыйын 2 күнүгэр диэри барыаҕа. Сүрүн түһүмэх иннинээҕи эксээмэн (досрочный период) кулун тутар 21 күнүттэн муус устар 15 күннэригэр диэри буолуоҕа.
Сүрүн түһүмэҕи (основной период) ыам ыйын 27 – от ыйын 2 күннэригэр ыытыахтара. Онтон балаҕан ыйын 5-20 күннэригэр эбии түһүмэх (дополнительный период) көрүллэр.
Сүрүн түһүмэх биридимиэттэринэн маннык күннэргэ буолар:
Ыам ыйын 27 күнэ – география, литэрэтиирэ, химия
Ыам ыйын 30 уонна 31 күннэрэ – нуучча тыла
Бэс ыйын 2 күнэ – математика (профильнай)
Бэс ыйын 3 күнэ – математика (базовай)
Бэс ыйын 6 күнэ – история, физика
Бэс ыйын 9 күнэ – обществознание
Бэс ыйын 14 күнэ – омук тыллара (суругунан), биология
Бэс ыйын 16 уонна 17 күннэрэ – омук тыллара (тылынан)
Бэс ыйын 20 уонна 21 күннэрэ – информатика.
Бэс ыйын 23 күнүттэн от ыйын 2 күнүгэр диэри – эрэсиэрбэ күннэр.
Сиһилии ТАССка ааҕыҥ.
Хаартыска: studiya68.ru