Биир кэлим эксээмэн, баҕар, көһүөн сөп дииллэр

Ааптар: 
Бөлөххө киир:

Урукку сылларга биир кэлим эксээмэн ыам ыйын бүтүүтүттэн саҕаланара. Быйыл коронавируһунан сибээстээн, бэс ыйын 8 күнүгэр көһөрбүттэрэ. Ол эрээри, бу даата, баҕар, көһүөн сөп дииллэр. Ити туһунан РФ Үөрэҕириигэ министиэристибэтин инстаграмыгар суруйаллар.

edersaas.ru

РФ үөрэҕириигэ миниистирэ Сергей Кравцов биир кэлим эксээмэн (ЕГЭ), баҕар, көһүөн сөп диэн эппит.  Эпидемиологическай балаһыанньа хайдах буоларыттан тутулуктааҕын быһаарбыт. Санатан эттэххэ, биир кэлим эксээмэн (ЕГЭ) бырайыага оҥоһуллубута. Онтон 9-с кылаастарга ыытыллар эксээмэн (ОГЭ) күннэрин хас биирдии эрэгийиэн бэйэтэ быһаарыахтаах. Быйыл коронавируһунан сибээстээн, тохсус кылааһы бүтэрээччилэр икки сүрүн биридимиэккэ (математика, нуучча тыла) эрэ эксээмэн туттараллар. Талан ылар икки биридимиэт тохтотуллубута.

Күн-түүн Арассыыйаҕа ыалдьыбыт киһи ахсаана 1000-2000 киһинэн эбиллэ турар. Онон  балаһыанньаны сөпкө өйдүүр ирдэнэр.

Арассыыйа эрэгийиэннэриттэн хамнас туһунан үгүс ыйытыы киирэр буолан, миниистир тустаах ыйытыыга хоруйдаабыт. “Учуутал хамнаһа кыччыа суохтаах, хамнаска анаммыт үп бүддьүөкэ көрүллэн турар. Онон ханнык эбит эрэгийиэҥҥэ хамнаһы биэрбэт эбэтэр кыччатар түгэннэригэр суһаллык биһиэхэ биллэриҥ. Биһиги балаһыанньаны көннөрүөхпүт”, — диэн миниистир иһитиннэрбит.

Людмила ПОПОВА, edersaas.ru

+1
0
+1
0
+1
0
+1
0
+1
0
+1
0
+1
0