Алтынньы 4-22 күннэригэр федеральнай институт (ФИПИ) үлэһиттэрэ кэлэр 2022 сылга биир кэлим эксээмэни туттарааччыларга уонна оскуола учууталларыгар анаан “На все 100!” диэн онлайн консультациялары ыытыахтара.
Тэрийээччилэр этэллэринэн, консультацияҕа кыттааччылар 2022 сыллааҕы биир кэлим эксээмэн (ЕГЭ) матырыйаалларын туһунан иһитиннэриилэри истиэхтэрэ, туох уларыыйлар киирбиттэрин, ханнык сорудахха болҕомто уурар наадатын, туохха алҕаһыахха сөбүн билиэхтэрэ.
Консультациялар Рособрнадзор “ВКонтакте” уонна Ютуб социальнай ситимнэригэр бары биридимиэттэргэ буолуохтара.
Консультациялар:
Алтынньы 4 күнэ 15:00 чаастан – географияҕа
Алтынньы 5 күнэ 15:00 чаастан – биологияҕа
Алтынньы 7 күнэ 14:00 чаастан – обществознаниеҕа
Алтынньы 7 күнэ 16:00 чаастан — физикаҕа
Алтынньы 8 күнэ 14:00 чаастан – математикаҕа
Алтынньы 8 күнэ 16:00 чаастан – химияҕа
Алтынньы 14 күнэ 15:00 чаастан – историяҕа
Алтынньы 15 күнэ 15:00 чаастан – нуучча тылыгар
Алтынньы 18 күнэ 15:00 чаастан – литэрэтиирэҕэ
Алтынньы 19 күнэ 15:00 чаастан – түмүктүүр өйтөн суруйууга
Алтынньы 21 күнэ 15:00 чаастан – информатикаҕа
Алтынньы 22 күнэ 15:00 чаастан – омук тылларыгар.
“Саха сирэ” хаһыат, edersaas.ru