Дьокуускайга Ем.Ярославскай аатынан музейга САССР 100 сылыгар аналлаах «Биир күн, биир сыл, биир үйэ» диэн быыстапка буолла.
Быыстапканы арыйыы үөрүүлээх түгэнигэр СӨ Култуура уонна духуобунай сайдыы миниистирин бастакы солбуйааччы Владислав Левочкин кыттыыны ылла.
-СӨ Култуура уонна духуобунай сайдыы миниистирэ Юрий Куприянов аатыттан оройуону быыстапкаҕытынан эҕэрдэлиибин. Тус бэйэбиттэн эбэн этэр буоллахпына, мин оҕо сааһым бу улууска ааспыта уонна Аллараа Халыма оройуонун култуураҕа тэрилтэлэрин кытары сибээстээх. Бибилэтиэкэни, бу быыстапканы тэрийбит музейы олус истиҥник саныыбын. Саха АССР 100, Арассыыйа норуоттарын култууратын үйэлээх баайын сылларыгар маннык тэрээһиннэр ыытыллаллара наадалаах. Маннык бырайыактар элбииллэригэр эрэнэбит. Оройуон «Култуура» национальнай бырайыак тэрээһиннэригэр көхтөөхтүк кыттар. Былырыын оҕо ускуустубатын оскуолатыгар музыка үстүрүмүөннэрин саҥардыбыттара, быйыл оҕо ускуустубатын оскуолата өрөмүөннэниэ, — диэтэ Владислав Левочкин уонна министиэристибэ махтал суругун Аллараа Халыма устуоруйаҕа уонна хотугу норуоттар култуураларын музейыгар — быыстапканы тэрийээччилэргэ туттарда.
Быыстапкаҕа оройуон устуоруйатын, биллэр-көстөр ытык дьонун-сэргэтин туһунан матырыйааллары билиһиннэрбиттэр. Көс олохтоох табаһыттар, кинилэр туттубут малларын-салларын, чукчалар, эбээннэр, дьүкээгирдэр таҥастарын-саптарын бар дьоҥҥо көрдөрбүттэр. Маны сэргэ, быытапкаҕа талааннаах эдэр худуоһунньук Екатерина Суржанинова уруһуйдара туруоруллубуттар.
СӨ Култуура уонна духуобунай сайдыы министиэристибэтин пресс-киинэ