Биир хонукка 75 киһи коронавируһунан ыалдьыбыта билиннэ

Ааптар: 
Бөлөххө киир:

Бүгүн, бэс ыйын 9 күнүгэр, Ил Дархан Айсен Николаев өрөспүүбүлүкэҕэ коронавирус балаһыанньатын иһитиннэрдэ. 

edersaas.ru

Бүгүҥҥү чахчынан, өрөспүүбүлүкэ үрдүнэн барыта 2686 киһи коронавирус дьаҥынан ыалдьыбыта бэлиэтэнэр. Оттон бу биир хонук иһигэр 75 киһи дьаҥҥа хаптарбыт. Саҥа ыалдьыбыттартан 66 киһи Дьокуускай олохтоохторо. Оттон үтүөрүү туһунан иһитиннэрдэххэ, өрөспүүбүлүкэ үрдүнэн 126 киһи коронавирустан үтүөрэн балыыһаттан тахсыбыт.  

Кэнники хас да күн устататыгар, коронавирус инфекциятын тарҕаныытын коэффициена 0,8 тэҥнэстэ. Биллэн турар, Дьокуускайга бу сыыппара үрдүк соҕус — 0,9 — 1, — диэтэ. 

Ил Дархан этэринэн, эпидемияттан сылтаан ылыллыбыт хааччахтары уһулары саҕалыырга коэффициент 1 баалтан намыһах буолуохтаах. Онон Айсен Сергеевич өрөспүүбүлүкэ олохтоохторун хааччахтары кичэллээхтик тутуһалларыгар ыҥырда. “Оччоҕо эрэсиими сымнатыы маҥнайгы түһүмэҕин саҕалыахпыт этэ”, — диэтэ.

Билигин ыарахан туруктаах ыарыһах ахсаана —  13. Олортон 3 киһи ИВЛ аппараакка холбонон сытар. Кэлин оҕолор дьаҥҥа сутуллууллара элбээбит. Саҥа ыалдьыбыттартан 20% — оҕолор буолбуттар.

Егор Карпов, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0