Өрөспүүбүлүкэҕэ бүгүҥҥү иһитиннэриинэн хас киһи коронавирустаабытый?
Дьокуускайга 49 киһи ыалдьыбыта бэлиэтэнэр. Нерюнгригэ — 7, Мииринэйгэ — 6, Эдьигээн уонна Хаҥалас оройуоннарыгар — түөртүү, Үөһээ Бүлүүгэ, Мэҥэ Хаҥаласка, Өймөкөөҥҥө — үстүү, Алдаҥҥа, Горнайга, Уус Алдаҥҥа, Чурапчыга — иккилии, Бүлүүгэ, Ленскэйгэ, Намҥа, Тааттаҕа уонна Томпоҕо биирдии киһи ыалдьыбыт.
Бу туһунан бүгүн, от ыйын 7 күнүгэр, брифиҥҥэ суһал ыстаап салайааччытын солбуйааччы Ольга Балабкина иһитиннэрдэ.
Кини өрөспүүбүлүкэҕэ коронавируһунан ыалдьыы саҥа түбэлтэлэрэ бэлиэтэниилэрэ, үксэ бэс ыйыгар эрэгийиэн таһыгар сынньана барбыт дьон төннөн кэлиилэрин кытары сибээстээҕин эттэ. Мэдиссиинэ тэрилтэлэригэр ноҕурууска улааппытын ыйда. Өрөспүүбүлүкэҕэ РФ атын субъектарыттан кэлбит дьон аһааҕырбыт эбэтэр тымныйбыт буоллахтарына, чугас дьоҥҥут доруобуйаларын харыстыыр туһуттан, тута бэйэни хааччахтаныыга бараргытыгар уонна сөптөөх мэдиссиинэ тэрилтэтигэр сонно биллэрэргитигэр сүбэлээтэ.
Ольга Балабкина сынньалаҥтан кэлбит оҕо күүтэр хат дьахталларга ыалдьааччы элбиирин бэлиэтээтэ.
«Дьон-сэргэ өрөспүүбүлүкэ таһыгар сынньанан баран кэлэн дьоннорун кытары көрсүһэллэрэ дьаҥ түргэнник тарҕаныытыгар тиэрдэр, бөлөххө коронавирус тарҕанар. Дьаҥы утарарга, намтатарга, бэйэҕин, чугас дьоҥҥун бу уодаһыннаах ыарыыттан харыстыырга эрэгийиэн бары поликлиникаларын звеноларыгар ыытыллар вакцинация эрэ көмөлөһүө. Билиҥҥи туругунан хас биирдии оройуоҥҥа сөптөөх вакцина дуозата баар», — диэтэ кини.
Андрей Сорокин (СИА) хаартыскаҕа түһэриитэ
+1
+1
+1
+1
+1
+1
+1