Алдан улууһун Томмот куоратын олохтооҕо Александр Иванов Луганскай уонна Донецкай норуодунай өрөспүүбүлүкэлэри көмүскүүр байыаннай эпэрээссийэҕэ ытык иэһин толоро сылдьан сырдык тыына быһынна. Бу туһунан Ил Дархан Айсен Николаев «Телеграмҥа» баар ханаалыгар иһитиннэрдэ.
— Дириҥник курутуйан туран, Луганскай уонна Донецкай өрөспүүбүлүкэлэри көмүскүүр байыаннай эпэрээссийэҕэ кытта сылдьан биир дойдулаахпыт Томмот куоратын олохтооҕо Александр Иванов сырдык тыына быстыбытын иһитиннэрэбин. Саллаат чугас дьонугар кутурҕаммын тиэрдэбин.
Александр баара-суоҕа 22 эрэ саастааҕа. Кини олоҕун Арассыыйаҕа сулууспалыырга анаабыта, ылыммыт бирисээгэтин бүтэһик күнүгэр диэри илдьэ сырытта. Александр аармыйаҕа сылдьан баран хантараагынан сулууспалыы Амур уобалаһыгар барбыта, онтон байыаннай дьайыыларга ыҥырыллыбыта.
Кини дьиҥнээх Дьоруой уонна эрдээх буолуу холобура буолар.
Александр дьиэ кэргэнигэр тустаах көмө барыта көрүллүөҕэ.