Кулун тутар 18 күнүгэр Дьокуускайга Комсомольскай болуоссакка “Крым сандал сааһа” тэрээһин элбэх киһини муста.
Кинилэри Дьокуускай куорат аҕа баһылыга Евгений Григорьев эҕэрдэлээтэ:
— Аҕыс сыллааҕыта Крым олохтоохторо уопсай куоластааһынынан биир сөптөөх быһаарыныыны ылыммыттара. Бу бүтүн Арассыыйаны кытары бииргэ буолар үйэлээх быһаарыныы этэ. Ол эрээри, аҕыс сыл устата Украинаҕа нууччалыы тыллаах дьону баттааһын, кинилэри утары нацистскай хамсааһын салҕанан бара турбута.
Биһиги бэрэсидьиэммит Владимир Путин быһаарыытынан, күн бүгүн историческай сабыытыйа буола турар. Биһиги нацизмы суох гынарга бэрээдэги олохтуубут, бэйэбит дьоммутун баттыыр эрэсиими утарабыт. Билигин Украинаҕа байыаннай эпэрээссийэҕэ дойду чиэһин, оҕолору, дьахталлары көмүскүү сылдьар уолаттарбытыгар дириҥ ытыктабылбытын биллэрэбит. Биһиги бэрэсидьиэммитин өйүүбүт, эйэ иһин туруулаһабыт!
Ангелина Васильева, “Саха сирэ” хаһыат, edersaas.ru
Хаартыска: yakutskcity.ru