Бэҕэһээ, муус устар 25 күнүгэр, Серпуховка 19-22 саастаах уолаттарга ыытыллар Арассыыйа чөмпүйэнээтин сэрэбиэйэ буолла. Манна Арассыыйа эр дьоҥҥо сүүмэрдэммит хамаандатын сүрүн тириэньэрэ Виктор Фархутдинов сырытта.
Саха сирин буоксаҕа оскуолатын биэс иитиллээччитэ кыттыаҕа диэн Саха сирин сүүмэрдэммит хамаандатын сүрүн тириэньэрин э.т. Владимир Павлов «Спорт Якутии» саайка иһитиннэрбит.
49 киилэҕэ диэри ыйааһыҥҥа Талбан Егоров, 52 киилэҕэ — Евгений Мартынов, 56 киилэҕэ — Ян Алексеев, 60 киилэҕэ — Виталий Стручков, 75 киилэҕэ — Назар Андреев кыттыахтара.
Сэрэбиэй түбэпитинэн, Талбан Егоров бастакы эргииргэ Екатеринбург куораттан сылдьар Данил Лысенколыын, Евгений Мартынов дагестанец Сеферахмед Саидмагомедовтыын, Ян Алексеев Ханты-Мансийскайтан Семен Костюковтыын, Виталий Стручков Санкт-Петербуртан Иван Гордуун, Назар Андреев Эдгар Цамбовтыын күрэхтэһиэхтэрэ.