Бэс ыйын 9 күнүн сарсыардааҥы туругунан ойуур баһаара Алдан, Хаҥалас, Уус Маайа, Өлүөхүмэ, Үөһээ Дьааҥы улуустарыгар умайар. Билиҥҥи туругунан салгыы «айанныыллара» тохтотуллубут, барыта 800 гектар иэннээх сири мэҥиэстибиттэр. Умуруорууга 188 парашютист-десант уонна СӨ Ыксаллаах быһыыга-майгыга министиэристибэтин, ойуур хаһаайыстыбатын исписэлиистэрэ, олохтоох дьон кытыннылар. 15 анал тиэхиньикэ үлэлээтэ. Ааспыт сууккаҕа Өймөкөөн улууһун Төрүт нэһилиэгиттэн 62,6 км тэйиччилээх сиргэ умайбыт ойуур баһаарын умуруорбуттар. Өрөспүүбүлүкэ киэҥ сиригэр-уотугар уот саҥа туран эрэрин билэ охсор инниттэн авиациянан уонна алларанан кэтээн көрүү күн аайы ыытыллар.
+1
+1
+1
+1
+1
+1
+1