Хаҥалас улууһугар биэс оҕолоох ыалыгар Петровтарга Бырабыыталыстыба бэрэссэдээтэлэ Андрей Тарасенко уонна үлэ, социальнай сайдыы миниистирэ Елена Волкова ыалдьыттаатылар.
Петровтар дьиэ кэргэн судаарыстыба элбэх оҕолоох дьиэ кэргэни дьиэнэн хааччыйыы диэн бырагырааматынан дьиэ туттан киирбиттэр. Кинилэр дьиэлэрин Хаҥалас улууһун Өктөм дэриэбинэтигэр туттубуттар. Бу сотору кэминэн саҥа дьиэлэригэр көһүөхтээхтэр. 115 кв.м иэннээх дьиэни көрүллүбүт 2 мөлүйүөн 800 тыһыынча солкуобайынан туттубуттар. Гаас уонна уот ситимэ тардыллан дьиэҕэ көһөргө барыта бэлэм.
Саргылааналаах Вячеслав түөрт уол уонна биир кыыс оҕолоохтор. Икки улахан оҕо номнуо оскуоланы бүтэрбит, үс кыра оскуолаҕа үөрэнэр.
Бэлиэтээн эттэххэ, бу бырагыраама киириэҕиттэн олорор усулуобуйаларын уопсайа 604 дьиэ кэргэн тупсарбыт. Бэриллэр көмө сууммата 1/5 млрд солкуобай. СӨ Ил Дархана Айсен Николаев бу кэлэр биэс сылга саҥа ньымалары киллэрэн бу төлөбүрү ылыы уочаратын быһаарыыга Ил Түмэҥҥэ анал этиитигэр Бырабыыталыстыбаҕа сорук туруорбута.
Ульяна ЗАХАРОВА.