Кэнники хонукка биэс киһи коронавирустан үтүөрдэ.
Коронавируһу бохсууга үлэлэһэр СӨ суһал ыстаап иһитиннэрэринэн, өрөспүүбүлүкэҕэ кэнники хонукка COVID-19 биэс киһи үтүөрбүт.
Роспотребнадзор Саха сиринээҕи управлениетын дааннайынан, балыыһаларга түөрт киһи киирбит. Бу кэнники хонукка ыалдьыбыт 43 киһиттэн 10,2 %. Итинтэн Дьокуускайга 30,2%, улууска – 69,8%.
От ыйын 19 күнүнээҕи туругунан, стационардарга эмтэнии — 16,9%, тастан эмтэнии — 83,1%.
Өрөспүүбүлүкэ лабораторияларыгар биир хонук устатыгар 1 063 анаалыс, пандемия саҕаланыаҕыттан 2 391 381 тест бэрэбиэркэлэммит.
Бүгүҥҥү күн туругунан быһыы бастакы компоненын 638 118 киһи ылбыт. 167 944 киһи ревакцинацияламмыт.
СӨ суһал ыстааба иһитиннэрэринэн, колл-кииҥҥэ «122» нүөмэргэ кэнники хонукка 826 төлөпүөннээбиттэр. Ону таһынан доруобуйа харыстабылын «суһал лиинийэтигэр» тоҕуста эрийбиттэр.
Хаартыскаҕа Андрей Сорокин (СИА) түһэриитэ
+1
+1
+1
+1
+1
+1
+1