Санитарнай-гигиеническэй быраабылалары тутуһуу хайдаҕый? Итини бэрэбиэркэлээн, бу күннэргэ, Саха сиригэр уопсайа 750 бэрэбиэркэ оҥоһулунна.
Алтынньы 18 күнүттэн 22 күнүгэр диэри атыы-тутуу дьиэлэригэр, уопсастыбаннай аһылыгы тэрийэр уонна өҥөнү оҥорор сирдэргэ бэрэбиэркэлэр тустарынан, СӨ Бырабыыталыстыбатын Бэрэссэдээтэлин солбуйааччы э.т. Михаил Никифоров брифиҥҥэ эттэ.
СӨ Роспотребнадзор управлениетынан 35 сэрэтии, 38 дьаһал бэриллибит, хамыыһыйанан 108 акт толоруллубут, 35 акт администравтивнай кэһии туһунан. 20 административнай дьыала суукка ыытыллыбыт. Суукка бу иннинэ ыытыллыбыт дьыалалартан 102 көрүллүбүт, 214 профилактическай бэсиэдэ оҥоһуллубут.
Михаил Никифоров Дьокуускай куорат административнай хамыыһыйата СӨ Урбаан, атыы-эргиэн, туризм министиэристибэтин кытары 247 бэрэбиэркэни оҥорбутун эттэ. Итинтэн 160 атыы-тутуу эбийиэгэр, 50 – уопсастыбаннай аһылыгы тэрийэр, 8 – өҥөнү оҥорор сирдэргэ, 5 – фитнес-кииҥҥэ. Бэрэбиэркэ түмүгүнэн 101 аакта уонна боротокуол толоруллубут, 44 профилактическэй бэсиэдэ ыытыллыбыт.
СӨ Ил Дархан уонна Бырабыыталыстыба пресс-сулууспата
Мария Васильева (СИА) хаартыскаҕа түһэриилэрэ
+1
+1
+1
+1
+1
+1
+1