Биэнсийэлээхтэр кыраныысса таһыгар сынньаналларыгар айаннарын суота төлөнүөҕэ

Бөлөххө киир:

Саха сирин уонна кэккэ Уһук Хотугу эрэгийиэннэр биэнсийэлээхтэригэр кыраныысса таһыгар баар Арассыыйа сынньанар сиригэр айаннарын суота төлөнөр буолуоҕа.

edersaas.ru

Бу туһунан сокуону ахсынньы 25 күнүгэр буолбут Федерация мунньаҕар бигэргэттилэр. Ил Түмэн дьокутаата Елена Голомарева бэлиэтииринэн, сокуон Саха сирин олохтоохторугар улахан өйөбүлүнэн буолуоҕа.

— Уһук Хоту сир олохтоохторугар сыһыаннаах боппуруос федеральнай таһымҥа олус өр көрүллээччи. Бу боппуруоһу Федерация Сэбиэтин эригийиэннээҕи бэлиитикэҕэ, олохтоох салайыныыга уонна Хотугу сир дьыалаларыгар солбуйааччы Александр Акимов биэс сылы быһа туруорсан ситистэ. Кини боппуруостар бары ырытыллан, 2021 сылтан кэмпэнсээсийэни ылыахха сөп буолла диэн иһитиннэрдэ. Бу сокуоҥҥа олоҕуран биэнсийлээх дьон кыраныысса таһыгар тахсан эмтэнэн, доруобуйаларын тупсарыахтарын сөп, — диэн норуот дьокутаата Елена Голомарева иһитиннэрдэ.

Елена ПОТОЦКАЯ, «Саха сирэ» хаһыат, edersaas.ru

Хаартыска — misanec.ru саайтан.