Интэриэһинэй

Биэнсийэлээх дьахтар каартатыттан 280 тыһ. солк. уорбуттар

Саха сирин олохтоохторо төлөпүөнүнэн түөкүннээһиҥҥэ киириилэрэ тахса турар. Аны билигин түөкүттэр сибээс операторын аатыттан дьоҥҥо эрийэр буоллулар.

 

Ол курдук, соторутааҕыта Хаҥалас улууһун 66 саастаах олохтооҕор «МТС» хампаанньа үлэһитэбин диэн биир киһи  эрийэн тиийбит. Түөкүн биэнсийэлээх дьахтар аатын-суолун, араспаанньатын билэр эбит. Итиэннэ кини төлөпүөнүттэн алҕас харчы устубуттарын иһин, биэнсийэлээх дьахтарга компенсация быһыытынан 2000 солкуобай бэриллиэхтээҕин туһунан эппит. Ол харчыны ыыталларын туһугар, түөкүн дьахтартан каартатын нүөмэрин уонна СМС-кодун этэригэр эппит. Бу кэнниттэн дьахтарга харчыны устубуттарын туһунан СМС-иһитиннэриилэр кэлбиттэр.  Дьахтар соһуйан кийиитигэр бу туһунан кэпсээбит. Дьэ ол кэнниттэн бааҥҥа эрийэн быһаарсыбыттара, түөкүттэр номнуо 284 245 солкуобайын уорбуттар эбит.

edersaas.ru

 

0
0