Ахсынньы 14 күнүгэр Дьокуускай куоракка биэнсийэни төлүүр саҥа Киин аһылынна.
edersaas.ru
2017 с. өрөспүүбүлүкэҕэ Арассыыйа биэнсийэҕэ пуондатын структураларын түһүмэҕинэн оптимизациялааһын саҕаламмыта. Оптимизация биэнсийэни төлүүр уонна информацияны оҥорор Киини тэрийии көмөтүнэн барда. Бу киэҥ хабааннаах үлэ соругунан биэнсийэ пуондата оҥорор судаарыстыбаннай өҥөлөрүн хаачыстыбатын тупсарыы уонна пуонда тиһигин салгыы сайыннарыы буолар.
Оптимизация чэрчитинэн биэнсийэ отделениетын уонна территориятааҕы органнар исписэлиистэрэ толорбут сорох функциялара бу саҥа аһыллыбыт Биэнсийэни төлүүр кииҥҥэ (судаарыстыбаннай тэрилтэҕэ) бэрилиннэ.
Саҥа структура начаалынньыга Светлана Зеленская маннык кэпсээтэ:
— Маннык уларыйыылар исписэлиистэр ноҕоруускаларын чэпчэтэргэ, үлэни сөптөөхтүк аттарарга көмөлөһүөҕэ. Ону тэҥэ биэнсийэни ааҕарга уонна төлүүргэ биир кэлим технология хааччыллыаҕа, электроннай өҥө хаачыстыбата тупсуоҕа, информация оҥоһуллар уонна тириэрдиллэр болдьоҕо кыччаан биэриэҕэ.
С.Зеленская эппитинэн, биэнсийэ пуондата судаарыстыбаннай өҥө итиэннэ атын да социальнай төлөбүрдэр үрдүк хаачыстыбалаах буолалларын мэктиэлиир. Арассыыйа биэнсийэҕэ пуондатын структуратын уларытыы өрөспүүбүлүкэ олохтоохторугар мөкү өттүнэн дьайбат. Куораттарга уонна улуустарга нэһилиэнньэни хааччыйар сулууспалар урукку режимнэринн үлэлииллэр, нэһилиэнньэҕэ ханнык баҕарар боппуруостары уталыппакка быһаараллар.
Надежда ЕГОРОВА, «Саха сирэ» хаһыат, edersaas.ru