Биэнсийэ пуондата суруктары ыыталыа

Бөлөххө киир:

Бу сылтан 45 саастарын ааспыт дьоҥҥо ылыахтаах биэнсийэлэрин туһунан иһитиннэрии кэлэр буолуоҕа. Биэнсийэ пуондатын иһитиннэриитэ үс сылга биирдэ gosuslugi.ru портал нөҥүө кэлиэҕэ.

Бу саастарыгар тиийбит дьоҥҥо кэнэҕэски биэнсийэлэрин чааһа мунньуллубут буолар, онон төһөнү ылыахтаахтара сүрүннээн биллэр. Ону тэҥэ, кырдьар саастарыгар хайдах олоруохтарын, биэнсийэлэригэр төһө харчыны ылыахтарын толкуйдуур буолаллар. Оттон биэнсийэлэрин сууматын элбэтэллэригэр өссө да бириэмэ баар. Холобур, баҕа өттүлэринэн биэнсийэни страховкалааһын бырагырааматыгар кыттыһыахтарын сөп.

Биэнсийэ пуондатын суругар ааспыт сылларга төһө суума төлөммүтэ, биэнсийэ кээмэйэ төһө буолуоҕа, биэнсийэ баалын ахсаана, о.д.а. дааннайдар баар буолуохтара.

Ангелина Васильева, “Саха сирэ” хаһыат, edersaas.ru

Хаартыска: интэриниэттэн.

+1
0
+1
0
+1
0
+1
0
+1
0
+1
0
+1
0