Маны аах Экэниэмикэ

Биэнсийэ пуондата көрүллэр социальнай өйөбүл миэрэлэрин кэҥэтэр

2022 сыл тохсунньу 1 күнүттэн Арассыыйа Биэнсийэҕэ пуондата (ПФР) бу иннинэ социальнай көмүскэл уорганнара уонна Роструд анаабыт уонна төлөөбүт кэккэ төлөбүрдэрин, толуйууларын уонна босуобуйаларын биэрэр буолуоҕа.

Федеральнай сокуоҥҥа ылыныллыбыт көннөрүүлэргэ олоҕуран билигин эрэгийиэннэрдээҕи социальнай көмүскэл уонна Роструд уорганнара билигин толоро сылдьар сорох социальнай өйөбүл миэрэлэрин толорууга ПФР-га эбии саҥа функциялар уонна бүддьүөт боломуочуйалара 11 тыһыынчаттан тахса төлүүр дьыалаҕа олоҕуран сүктэриллэллэр.

Ол курдук, Арассыыйа биэс категория гражданнарыгар босуобуйалар, төлөбүрдэр, толуйуулар тустарынан этиллэллэр:

. оҕолоох үлэлээбэт гражданнарга;

. радиация дьайыытыгар түбэспит дьоҥҥо;

. реабилитацияламмыт дьоҥҥо;

. мэдиссиинэ көрдөрүүтүнэн тырааныспар тэриллээх инбэлииттэргэ (инбэлиит оҕолорго);

. ПФР биэнсийэнэн хааччыйар байыаннай сулууспалаахтарга уонна кинилэр дьиэ кэргэттэрин чилиэннэригэр.

Холобура, РФ Биэнсийэҕэ пуондатын нөҥүө саҥа дьылтан оҕолоох дьоҥҥо босуобуйалар маннык көрүҥнэрэ ананыахтара:

. 1,5 саастарыгар диэри оҕо көрөр үлэлээбэт гражданнарга ыйдааҕы босуобуйа;

. тэрилтэтэ суох оҥоһулларынан сибээстээн ууратыллыбыт дьахталларга хат буолуутунан уонна төрүүрүнэн босуобуйа;

. оҕо төрөөтөҕүнэ биир кэмнээх босуобуйа;

. дьиэ кэргэҥҥэ ииттэрэ оҕону биэрдэххэ биир кэмнээх босуобуйа;

. ыҥырыынан байыаннай сулууспатын ааһар байыаннай сулууспалаах хат кэргэнигэр биир кэмнээх босуобуйа;

. ыҥырыынан байыаннай сулууспатын ааһар байыаннай сулууспалаах оҕотугар ыйдааҕы босуобуйа.

Бэриллэр миэрэлэр тустарынан ПФР саайтыгар билсиҥ.

Саҥа төлөбүрдэри, толуйуулары уонна босуобуйалары Биэнсийэ пуондата биэдэмистибэлэр икки ардыларыгар бииргэ үлэлээһин суотугар аныаҕа, ол эбэтэр соцөйөбүл бу миэрэлэрин хайы-үйэ ыла сылдьар гражданнарга. Анаммыт төлөбүрдэри РФ Биэнсийэҕэ пуондата эрдэ ыйыллыбыт реквизиттэргэ быһалыы төлүөҕэ. Маннык түгэҥҥэ ПФР-тан ыйыталаһар ирдэммэт.

Өскөтүн гражданин бу босуобуйалары ылар бырааптаах эрээри, өссө да туһана илик буоллаҕына, 2022 сыл тохсунньу 1 күнүттэн кини ПФР клиеннэри кытта үлэлиир сулууспатыттан эбэтэр олорор сиринэн МФЦ-тан ыйыталаһыахтаах.

Арассыыйаҕа бу боломуочуйалары толорууга бэлэмнэнии киэҥ хабааннаахтык ыытылынна. Ол курдук, миэстэлэргэ оробуочай бөлөхтөрү эрэгийийэннээҕи Нэһилиэнньэ социальнай көмүскэлин министиэристибэлэрин кытыннаран тэрилиннэ. Бэриллэр миэрэлэр кэрискэлэрин ырыттылар. ПФР килийиэнискэй сулууспаларын исписэлиистэригэр социальнай көмүскэл (өйөбүл) миэрэлэрин биэрии стандартара оҥоһулунна, бигэргэтиллибит пааспардарга олоҕуран. Гражданин ПФР килийиэнискэй сулууспатыгар уонна МФЦ хайдах туһаайыахтааҕа (тиийиэхтээҕэ) чопчуланна. Социальнай көмүскэл эрэгийиэннээҕи уорганнара ПФР-га бэриллиэхтээх социальнай өйөбүл миэрэлэрин ылар дьон туһунан сибидиэнньэлэри тиксэрдилэр.

Пуонда эбии саҥа функциялара уонна бүддьүөккэ боломуочуйалара социальнай төлөбүрдэри оҥорууну оптимизациялыахтара. Ити түмүгэр дойдуга социальнай өйөбүл миэрэлэрин олоххо киллэриигэ биир кэлим сыһыан олохтонуоҕа, ити көмөнү биэрии хаачыстыбатын тупсарыаҕа.

Өйөбүл кэккэ миэрэлэрин туһунан боппуруостары ПФР эрэгийиэннээҕи контакь-кииниттэн ыйыталаһыҥ — 8 800 600 0298  эбэтэр Гражданнары кытта бииргэ үлэлэһэр биир кэлим контакт-киинтэн —  8 800 600 0000 (эрийии босхо)

Арассыыйа Биэнсийэҕэ пуондатын матырыйаала

Бэлэмнээтэ Женни Стрюкова

 

0
0