Биэнсийэҕэ тахсаары сылдьар дьону үөрэттэрбит тэрилтэлэргэ субсидия төлөнүөҕэ

Бөлөххө киир:

Биэнсийэҕэ тахсыах иннинээҕи саастаах дьону үөрэттэрбит тэрилтэлэргэ субсидия төлөнөр буолуоҕа. Бу туһунан бырабыыталыстыба пресс-сулууспата иһитиннэрдэ.

edersaas.ru

Ол маннык усулуобуйалаах: биэнсийэҕэ тахсаары сылдьар киһи үөрэнэн баран, бу тэрилтэтигэр үлэлии хаалыахтаах. Кини квалификациятын үрдэтиэн, эбэтэр идэтин уларытыан сөп.

“Аҕа көлүөнэ” диэн федеральнай бырайыак оҥоһуллубут. Бу чэрчитинэн, өрөспүүбүлүкэҕэ сыл ахсын 380-400 киһини үөрэттэрэр былаан баар. Онон, 2024 сыл бүтүөр диэри 2033-2400 киһини үөрэттэрэргэ былаанныыллар. Балар истэригэр Дьарыктаах буолуу кииннэригэр үлэ көрдөөн тиийбит дьон эмиэ киирэллэр.

Төһө киһини үөрэттэрэр наадатын 300 тэрилтэҕэ ыйытык оҥорон, быһаарбыттар. Ыйытык түмүгүнэн, судаарыстыбаннайа суох тэрилтэлэргэ уонна чааһынайдарга 174 биэнсийэҕэ тахсыах иннинээҕи саастаах дьон үөрэххэ наадыйаллара биллибит. Ордук бырамыысыланнас (18,6%), үп-харчы (16,2%), суол-иис уонна куттала суох буолуу эйгэтин (10,3%) интэриэһиргииллэр эбит.

Ангелина Васильева, “Саха сирэ” хаһыат, edersaas.ru

+1
0
+1
0
+1
0
+1
0
+1
0
+1
0
+1
0