2017 с. тохсунньутугар биэнсийэни, о.д.а. социальнай, 5000 кээмэйдээх төлөбүрү тириэрдии бигэргэтиллибит графигынан оҥоһуллуоҕа. Ол гынан баран, бырааһынньыктарынан уонна өрөбүл күннэринэн сибээстээн манныгы бэлиэтиэххэ сөп:
– Өрөспүүбүлэкэ нэһилиэнньэлээх пууннарыгар биэнсийэлэрин тохсунньу 7 ыйыгар ылааччылар 2017 сыл тохсунньу 5 күнүттэн саҕалаан ылыахтара;
Дьокуускай куоракка биэнсийэни дьиэҕэ ылааччыларга 2017 сыл тохсунньу 5 күнүттэн өрөбүлэ суох, олохтоммут график быһыытынан аҕалыахтара.
Ону таһынан, РФ биэнсийэҕэ фондатын Саха сиринээҕи отделениета уонна «Арассыыйа почтатын» Саха сиринээҕи салаата өрөспүүбүлүкэ биэнсийэлээхтэригэр эбии бэриллэр 5000 суумалаах биир кэмнээх төлөбүр графигын бигэргэттилэр.
Ол курдук, биэнсийэ тохсунньу 5-15 күннэригэр, оттон биир кэмнээх эбии төлөбүр (5000 с. ) тохсунньу 16-26 күннэригэр тириэрдиллиэҕэ.
Манна даҕатан эттэххэ, биир кэмнээх төлөбүрү ыларга Биэнсийэ фондатын территориятааҕы уорганнарыттан ыйыталаһыы эбэтэр тэрилтэҕэ кэлии, сайабалыанньа суруйуу ирдэниллибэт.
Надежда ЕГОРОВА, edersaas.ru