Арассыыйа биэнсийэҕэ пуондатын электроннай өҥөлөрүнэн туһанар наадатыгар тугу гынабыт?
edersaas.ru
Ханнык баҕарар киһи биэнсийэ пуондата оҥорор кэккэ өҥөлөрүн электроннай көрүҥүнэн туһаныан сөп. Онуоха кини судаарыстыбаннай уонна муниципальнай өҥөлөр биир кэлим порталларыгар (www.gosuslugi.ru) (ЕПГУ) эбэтэр страховкаламмыт тус кабинетыгар (личный кабинет) киирэр.
Судаарыстыбаннай өҥөлөргө биир кэлим порталга (ЕПГУ) регистрацияланыы https://esia.gosuslugi.ru/registration/ сыылканан эбэтэр биэнсийэ пуондатын территориятааҕы уорганнарыгар оҥоһуллар. Бу уорганнарга туһанааччылары хааччыйар кииннэр үлэлииллэр.
ЕПГУ-га регистрацияланнаххына, биэнсийэ пуондатыттан наадалаах боппуруоскун ханнык да уочарата суох, табыгастаахтык быһаартарарга кыах бэриллэр.
Билигин кэккэ өҥөлөрүнэн туһанарга сайабылыанньа суруйан электроннай көрүҥүнэн ыытыахха сөп эбэтэр онлайн-режиминэн наадалаах иһитиннэриигин ылыаххын сөп.
Оттон өҥөнөн туһанарга сайабылыанньаны уонна наадалаах докумуоннары биэрээри биэнсийэ пуондатыгар тус бэйэҥ бара сылдьыаххын баҕарар буоллаххына, пуонда сайтыгар эрдэттэн суруйтарыы сервиһин туһан.
Эбэтэр эмиэ электроннай ньыманан сүбэ-ама биэрэр киинтэн ыйыталас.
Ханнык өҥөлөр тустарыныан билиэххэ сөбүй?
(Электроннай өҥөлөргө):
– Ийэ хапытаалыгар судаарыстыбаннай сертификаты биэриини;
– Страховой, мунньуллар уонна судаарыстыбаннай биэнсийэни биэриини;
– Судаарыстыбаннай социальнай көмөнү биэрии туһунан нэһилиэнньэҕэ иһитиннэриини уо.д.а.
(Электроннай өҥөлөр):
– РФ тас өттүгэр олохтоохтук олоро барар нэһилиэнньэҕэ биэнсийэни анатыыны;
— Инбэлиит оҕону эбэтэр оҕо эрдэҕиттэн I группалаах инбэлиити көрөр дьоҥҥо ыйдааҕы төлөбүрү оҥорууну;
— Үлэлиир кыаҕа суох киһини көрөөрү-харайаары үлэлэбэккэ олорор дьоҥҥо компенсация төлөбүрдэрин анааһыны;
— Мунньуллубут биэнсийэни тыырар туһунан страховкалаах дьонтон сайабылыанньаны ылыыны уо.д.а.
Биэнсийэ пуондатын судаарыстыбаннай өҥөлөрүн сатабыллаахтык туһан, бириэмэҕин харыстаа, билиигин элбэт.
Надежда ЕГОРОВА, «Саха сирэ» хаһыат, edersaas.ru