Биэнсийэни, босуобуйаны «Мир» каартаҕа эрэ ыытыахтара...
Олох-дьаһах - Саха ыала

Биэнсийэни, босуобуйаны «Мир» каартаҕа эрэ ыытыахтара

Алтынньы 1 күнүттэн биэнсийэни уонна атын социальнай төлөбүрдэри, босуобуйалары “Мир” каартаҕа эрэ ыытар буолуохтара. Онон бу каартаҕа көһө илик дьон тиэтэйиэхтэрин наада.

Дьиҥэ, каартаҕа көһүү от ыйын 1 күнүгэр диэри диэн этэ, ону коронавируснай инфекция тарҕаммытынан, алтынньыга диэри уһаппыттара.

Биэнсийэлээх ханнык тэрилтэттэн биэнсийэни ыларын бэйэтэ талар: буоста каассатыттан баран ылыан сөп, дьиэтигэр аҕалтарар, эбэтэр, баан каартатыгар түһэртэрэр. Баан каартатын талбыт дьон алтынньыга диэри “Мир” каартаҕа көһүөхтээхтэр.

Өскөтүн, көспөккө хаалбыт буоллахтарына, алтынньы 1 күнүттэн харчы түспэтэҕин туһунан иһитиннэрии кэлэр. Оттон атын баан каартатыгар биэнсийэлэрин ыла сылдьар дьон каарталарын болдьоҕо бүтүөр диэри, биэнсийэлэрэ, төлөбүрдэр түһүөхтэрэ. Ол эрээри, каарта болдьоҕо бүтэрин кэтэспэккэ да эрэ, биэнсийэлээх «Мир» каартаҕа көһүөн сөп.

2017 сыл от ыйыттан биэнсийэҕэ тахсыбыт дьон баан каартатын талбыт буоллахтарына, кинилэргэ тута «Мир» каарта оҥоһуллубута.

Ангелина Васильева, “Саха сирэ” хаһыат, edersaas.ru

Хаартыска: интэриниэттэн.

0
1

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

шестнадцать − 8 =