«Бичиктэр» Хэллоуин күнүгэр бэлэх уунуохтара

Ааптар: 
Бөлөххө киир:

Хэллоуин күнүгэр «Бичик» НКК кинигэ 15 арааһын атыылыа.


Ол курдук, араас кутталлаах, дьиҥ  буолбут түбэлтэлэри сөбүлээн ааҕааччыларга анаан «Бичик» кинигэ 15 арааһын атыыга таһаарыа.
Киһи улаханнык куттана-куттана ааҕар Дмитрий Михайлов «Саха сирин дьулаан түбэлтэлэрэ» (Саха сиригэр буолбут түбэлтэлэр. 2018 с.) ,  Виталий Егоров  “Страхи
сопки любви” (2018 с.),  Бүөтүр Хара “Хараҥа түүн ханыылара” (2012 с.), Егор Спиридонов хомуйан оҥорбут «Иччитэх өтөххө кииримэ» (2017 с.),  Владимир Кондаков “Куочаан үрэҕин кистэлэҥнэрэ” (2015 год), Валерий Никифоров—Суор Уола «Түүҥҥү куо”  (2017 с.),  Николай Заболоцкай-Чысхаан  болҕомтону улаханнык тардыбыт «Мааппа» айымньыта, о.д.а. атыыга тахсыахтара.
Саха сирин мээнэҕэ ойууттар, удаҕаттар дойдулара диэн ааттаабатахтара чахчы. «Бичик» айылҕаттан уратылаахтар тустарынан кинигэлэрэ эһиги болҕомтоҕутун тардыахтара.  Ол курдук, «Айдарыылаахтар” Мария Герасимова-Сэҥээрэ (2015 с.), “Дүҥүрүн дуорайар дуораана» Күн Куйаарыма (2014 год), “Төлкө түүллээхтэр, билгэ биттээхтэр» Афанасий
Федоров (2014 с.), “Ойууннар, удаҕаннар, норуот эмчиттэрэ”  Николай Аввакумов (2017 год) о.д.а. кинигэлэр болҕомтону тардыахтара.
«Бичик» ааҕааччыларыгар соһуччу бэлэҕэ итинэн бүппэт. Алтынньы 31 күнүгэр 12.00 чаастан 14.00 чааска диэри «Бичик» кинигэни таптаан ааҕааччыларын «Бичик plus» Курашов уулуссатын 24 нүөмэригэр  «Саха сирин дьулаан түбэлтэлэрэ» кинигэ ааптарын Дмитрий Михайловы  кытары көрсүһүүгэ ыҥырар. Күндү доҕоттор, ааптартан кинигэҕэ илии баттатан ылар түгэни мүччү тутумаҥ.
Итини сэргэ, бу эрэ күн кинигэни атыыласпыт тэрээһин кыттыылааҕар аныгыскы сырыыга атыылаһарга 20 %  чэпчэтиинэн туһанарын туһунан быһаарыылаах промокодтаах минньигэс бонус быһыытынан туттарыллыа. Кэлиҥ, сылдьыҥ, атыылаһыҥ.
«Бичик» НКК пресс-сулууспата
+1
0
+1
0
+1
0
+1
0
+1
0
+1
0
+1
0