«Бичик» кинигэ кыһата «Сыл кинигэтэ» Арассыыйатааҕы күрэскэ ситиһиилэннэ

Бу күннэргэ Удмуртияҕа «П.И. Чайковскай дойдутугар — сыл кинигэтэ» диэн Арассыыйатааҕы күрэс бастакытын ыытылынна. Бу күрэһи Удмуртия өрөспүүбүлүкэтин Култуураҕа, Национальнай бэчээккэ министиэристибэлэрэ уонна Бэчээт, маассабай коммуникациялар ааҕыныстыбалара тэрийдилэр. Манна Саха сиринээҕи «Бичик» национальнай кинигэ кыһата алта хайысхаҕа ситиһиилэннэ.

Куонкуруска Удмуртияттан, Марий Элтан, Комиттан, Башкортостантан, Татарстантан, Чувашияттан, Саха сириттэн уонна Кировскай уобаластан барыта 129 таһаарыы кытынна. Дьүүллүүр сүбэ аҕыс хайысханан бастыҥнары талла.

Ол курдук, «Бичик» кинигэ кыһата алта наҕараадаҕа тигистэ:

— «Бастыҥ художественнай киэргэтиилээх таһаарыы» хайысхаҕа Р.И.Бравина «Шаманы — избранники Небес и духов» кинигэтэ III истиэпэннээх дьупулуому ылла;

— «Бастыҥ научнай таһаарыы» хайысхаҕа «Якутский холод» кинигэ II истиэпэннээх дьупулуому ылла;

— «Үөрэх бастыҥ таһаарыыта» хайысхаҕа «Буряад хэлэн» диэн 1 кылаастарга аналлаах үөрэтэр-методическай комплекс II истиэпэннээх дьупулуому ылла;

— «Оҕо кинигэтэ» хайысхаҕа «Оҕо энциклопедията» кинигэ III истиэпэннээх дьупулуому ылла;

— «Бастыҥ электроннай таһаарыы» хайысхаҕа «Моя Якутия» электроннай үөрэтэр ресурс II истиэпэннээх дьупулуому ылла;

— «Мамонт и дургие животные Сибири» кинигэ анал дьупулуому ылла.

edersaas.ru